A Deputación de Pontevedra publica as bases para a convocatoria de 1 praza de técnica/o auxiliar de formación pola quenda de promoción interna

5 de julio de 2022

A DEPUTACIÓN DE PONTEVEDRA PUBLICA AS BASES PARA A CONVOCATORIA DE 1 PRAZA DE TÉCNICO/A AUXILIAR DE FORMACIÓN POLA QUENDA DE PROMOCIÓN INTERNA

REQUISITOS E SOLICITUDES:
  1. Estar en posesión do título de bacharelato ou de técnica/o, ou estar en condicións de obtelo o día en que remate o prazo de presentación de instancias
  2. Ser funcionaria ou funcionario de carreira da Deputación de Pontevedra en situación administrativa de servizo activo e acreditar unha antigüidade de, polo menos, dous anos de forma definitiva nunha praza de auxiliar de Administración xeral ou auxiliar informático do grupo C2 neste organismo provincial
As solicitudes presentaranse obrigatoriamente por medios electrónicos a través do formulario normalizado “217424 Procedementos de selección para o acceso ao emprego público”, dispoñible na Sede electrónica da Deputación de Pontevedra (https://sede.depo.gal), de acordo co establecido no artigo 14.2.e) da Lei 39/2015, de 1 de outubro, do procedemento administrativo común das administracións públicas (LPACAP).

En caso de presentar a solicitude de forma presencial requiriráselles que a emenden mediante a súa presentación electrónica. Para estes efectos, considerarase como data de presentación da solicitude aquela na que se realizase a emenda. En todo caso, se esta emenda se efectuase fóra do prazo de admisión de solicitudes, esta deberá limitarse á presentación electrónica do entregado previamente de xeito presencial, sen que poidan engadirse outros datos ou documentos ou rectificar os xa achegados.

Para a presentación das solicitudes a través do rexistro electrónico, a Sede electrónica da Deputación de Pontevedra admite os certificados electrónicos do sistema Cl@ve, que contempla a utilización de sistemas de identificación baseados en claves concertadas (sistemas de usuario e contrasinal), e os certificados electrónicos (incluído o DNIe)

EXERCICIOS DA OPOSICIÓN:
EXERCICIO 1. Obrigatorio e eliminatorio cun tempo para a realización do mesmo de 1 hora.

Desenvolver por escrito un tema, a elixir entre dous extraídos ao azar polo tribunal, un de cada unha das partes específicas do programa. Posteriormente, as persoas aspirantes serán convocadas polo tribunal para proceder á súa lectura pública, que levará a cabo a súa autora ou autor ou, se non fose posible, a persoa que designe ou un membro do tribunal.

EXERCICIO 2. Obrigatorio e eliminatorio cun tempo máximo que marque o tribunal.

Resolución dun suposto práctico relacionado coas materias xerais e específicas do programa. Posteriormente, e no caso de que proceda, as persoas aspirantes serán convocadas polo tribunal para proceder á súa lectura pública, que levará a cabo a súa autora ou autor ou, se non fose posible, a persoa que designe ou un membro do tribunal

EXERCICIO 3. Obrigatorio e NON eliminatorio 

Consistirá na tradución directa ao idioma galego, sen axuda do dicionario, dun texto en castelán elixido polo tribunal.

No caso de non ter achegado a acreditación de coñecemento da lingua galega coa solicitude de participación no proceso selectivo, poderá presentalo ata a data que determine o tribunal no anuncio do exercicio inmediatamente anterior

TEMARIO:
  1. A Constitución española de 1978
  2. A provincia
  3. A función pública local
  4. Prevención de riscos laborais
  5. Actividade subvencional das administracións públicas
  6. A formación para o emprego na Administración pública
  7. Os plans de formación das entidades locais
  8. Tecnoloxías da información e da comunicación
  9. A teleformación na formación para o emprego
  10. A Administración electrónica. 
  11. A xestión electrónica dos procedementos administrativos
  12. As indemnizacións por razón do servizo
  13. O entorno Moodle
  14. Os bloques en Moodle
  15. Creación e configuración de categorías
  16. Xestión de persoas usuarias en Moodle
  17. Integración de contidos didácticos en Moodle
  18. Creación de actividades en Moodle
  19. Principais ferramentas de interacción comunicativa en Moodle
  20. Seguimento e avaliación do alumnado en Moodle

Contáctenos